ارسنال هيلعب النهارده ماتش مهم ضد كريستال بالاس على ملعب الإمارات، والمباراه دي ممكن تكون حاسمه فـ سباق الدوري الإنجليزي، خصوصاً لو خسر الفريق اللندني، ساعتها ليفربول ممكن يقرب قوي من حسم اللقب بشكل رسمي.

الماتش ده ضمن جوله ٣٤ من البريميرليج، بعد مانشستر سيتي لعب مباراته امبارح ضد أستون فيلا على ملعب الاتحاد، وحقق فوز صعب بنتيجه ٢-١ في نفس الوقت، ليفربول لسه هيلعب قدام توتنهام يوم الأحد الجاي على ملعبه أنفيلد والمباراه دي كمان مهمه جداً في تحديد شكل الصراع عاللقب.

الجدول دلوقتي بيقول إن ليفربول في الصداره بـ٧٩ نقطه، وراه أرسنال بـ٦٦ نقطه، وبعدهم السيتي بـ٦١ نقطه يعني لو أرسنال خسر النهارده، هيبعد أكتر، وساعتها ليفربول ممكن يكون قريب جداً من التتويج.

فيه ضغط كبير على أرسنال قبل الماتش، والجماهير مستنيه رد فعل قوي من الفريق بالذات إن كريستال بالاس معروف عنه إنه خصم صعب وممكن يعمل مفاجآت.

الليله هنعرف، هل ارسنال هيرجع للمنافسه، ولا ليفربول هيقرب يحسمها