في بيان جديد من اتحاد الكوره المصري، اعلنو إن يوم 20 مايو الجاي هيكون ميعاد المباراه النهائيه لكاس مصر لموسم ٢٠٢٤-٢٠٢٥، ودا علشان يضمنو إن الموسم يخلص في معاده الطبيعي قبل أول يونيو، زي ما قرر مجلس إداره الاتحاد في جلستهم الأخيره وده كمان عشان يفتحو باب القيد للموسم الجديد من يوم ٢ يونيو على طول.

الاتحاد قال إن أنديه الدوري الممتاز كانت اتفقت في بدايه الموسم على إنهم يعملو موسم إستثنائي، الهدف منه يرجعو المواعيد لطبيعتها، لأن ده ليه فايده فنيه على الكل سواء انديه او مسابقات.

لما جم يحددو ميعاد النهائي، شافو كل الحاجات دي، وكمان شافو إن الميعاد ده مناسب لفريقي بيراميدز والزمالك اللي هيلعبو النهائي، خصوصاً إن مواعيدهم بقت مناسبه دلوقتي في المسابقات التانيه اللي بيشاركو فيها، وكمان مصر خلصت من تنظيم بطوله مهمه كانت كاس الامم الافريقيه تحت ٢٠ سنه.

الاتحاد شكر كل الجهات اللي ساعدت، وأكد إنهم ماشيين على خطه علشان الموسم يرجع لطبيعته من تاني.