ماتش ناري منتظر بكرا السبت بين أورلاندو بايرتس الجنوب أفريقي وبيراميدز المصري، ضمن منافسات ذهاب نصف نهائي دوري أبطال أفريقيا، واللي هيتلعب الساعه 6 مساء بتوقيت مصر، في ملعب بايرتس بجنوب أفريقيا، على أمل خطف بطاقه التأهل للمباراه النهائيه لأول مره من 12 سنه.

تيبوهو مولوي، نجم بايرتس السابق، اتكلم وقال إن فريقه عنده قدره ينافس علي اللقب وإن جنوب أفريقيا مليانه مواهب محدش يعرفها وقال كمان إنهم بيحترمو فرق شمال أفريقيا زي مصر وتونس والمغرب، بس ده مش معناه إنهم هيرجعو ورا.

مولوي وضّح إن الظروف التاريخيه زي الفصل العنصري حرمت جنوب أفريقيا من المشاركه زمان، لكن دلوقتي الوضع اتغير والفرق هناك بقت قويه وبتفاجئ الكل وأكد إن بيراميدز فريق كويس بس بايرتس كمان فريق كبير وعنده تاريخ.

وقال إنهم فازو قبل كدا على فرق كبيره زي الأهلي والزمالك والترجي ومازيمبي، وده أكبر دليل إنهم يقدرو يروحو بعيد في البطوله ماتش الإياب هيكون يوم الجمعه الجاي 25 إبريل في القاهره الساعه 9 بالليل، والمنافسه مولعه.