ميكيل أرتيتا، مدرب أرسنال، قال كلام كبير بعد فوز فريقه على إبسويتش تاون 4-0 فـ الدوري الإنجليزي، وقال إن الفريق لعب كوره أحسن حتى من الماتش اللي فات ضد ريال مدريد فـ دوري الأبطال.

أرسنال لعب الماتش ده برا ارضه برضو، زي ما حصل ضد الريال، لكن الأداء كان ناري خصوصًا فـ أول 35 دقيقه، واللي أرتيتا وصفهم إنهم كانوا أفضل كوره قدم لعبناها الموسم ده
الفريق سجل هدفين بدري، وكان ممكن يزودهم ويخليهم ٣ أو حتى ٤ لو استغلوا الفرص.

أرتيتا كمان قال في تصريحاته لراديو BBC الفرقه قدمت أداء قوي، عملنا تغييرات، وريحنا لعيبه، وادينا فرصه لغيرهم، وكل ده وفزنا بالماتش، فـ دا شيء إيجابي

أما بالنسبه لبوكايو ساكا، فكان في شوية قلق بعد ما اتعور فـ الماتش واتعرقل، وكمل اللعب شوية بس خرج وساقه عليها تلج أرتيتا طمن الناس وقال إن مفيش حاجه خطيره، بس كان حاسس بألم بسيط وخلاص.

الجماهير فرحانه بالفوز والمستوى، ومستنين باقي الجولات بنفس الأداء القوي.