أولي واتكينز، مهاجم أستون فيلا، كشف بصراحه إنه كان زعلان جدًا بعد ما مالعبش أساسي في ماتشي الذهاب والعوده ضد باريس سان جيرمان في ربع نهائي دوري أبطال أوروبا.

اللاعب قال في تصريحات لصحيفة ديلي ميل كنت متضايق، لعبت حوالي 20 دقيقه في كل ماتش، وده مأرضنيش خالص وكمل قلت لإيمري إني مش مبسوط، بس في الآخر هو المدرب، وأنا باحترم قراراته، بس مش من نوع اللعيبه اللي تحب الدكه

واتكينز وضح كمان إنه كان نفسه يبدأ الماتشات المهمه زي دي، خصوصًا إنه ساهم بشكل كبير في وصول الفريق للمرحله دي من البطوله.

رغم زعله، قال إنه حوّل الغضب ده لحافز عشان يثبت نفسه، وده اللي حصل فعلاً في ماتش نيوكاسل الأخير، اللي بدأه أساسي وسجل هدف في أول دقايق، وصنع هدف تاني كمان لزميله إيان ماتسين، وساعد الفريق في الفوز 4-1.

واتكينز بيأكد إنه مش حيخلي الدكه تحبطه، وناوي يثبت إنه دايمًا يستحق يكون أساسي.