اصدر مركز مشاريع البنية التحتيه بمنطقة الرياض تقريره الجديد عن اداء الجهات الخدميه خلال شهر مارس 2025، واللي هدفه تحسين الخدمات ورفع جودة الحياة بالمنطقه وكشف اوجه القصور والتطوير الممكن.

وبحسب التقرير، سجل المركز أكثر من 10 آلاف رخصه خلال الشهر، ومعاها جا أكثر من 7000 بلاغ من المواطنين، تصدرتها تجمعات المويه بنسبة 38٪، يجي بعدها هبوط الطرق بنسبة 21٪ المخالفات اللي رصدوها متنوعه، بين أماكن العمل الغير نضيفه، ومواقع مافيها لا إناره تحذيريه ولا حتى حواجز مؤقته، وكمان عدم وجود لوحات تعريفيه عن الأعمال الجاريه.

المركز وضّح إن التقرير يهدف لرفع الشفافيه فالمشاريع، ويعطي المهتمين فرصه يتابعون مؤشرات الأداء للمشاريع القايمه، ويدعم تحسين المشهد الحضري العام.

وأكد إنهم يشتغلون على رفع مستوى الامتثال للمعايير، وتشجيع الجهات على التنافس بشكل إيجابي عشان نوصل لبنيه تحتيه مستدامه ومحفزه للعيش.

وإذا حبيت تطّلع على التفاصيل أكثر، يمديك تدخل على الرابط اللي حطوه فآخر التقرير.