كشفت تقارير صحفيه فرنسيه، إن نادي مارسيليا ناوي يدخل بقوه في مفاوضات مع نجم الهلال كاليدو كوليبالي، علشان يضمه لصفوفه في الميركاتو الصيفي اللي جاي.

المدير الرياضي للنادي صرح إن كوليبالي واحد من الأسماء اللي حاطين عينهم عليها وبيفكروا فيها بشكل جدي.

كوليبالي، المدافع السنغالي الدولي، يعتبر من أهم عناصر تشكيلة الهلال، وقدم مستويات ثابته طول الموسم، وخاض معاهم 45 ماتش وسجل 4 أهداف.

الجماهير بتحبه والإداره شايفاه من الركائز الأساسيه للفريق، خصوصًا قبل المشاركه في كاس العالم للانديه 2025.

الهلال داخل البطوله في المجموعه التامنه مع ريال مدريد الإسباني، وريد بول سالزبورغ النمساوي، وباتشوكا المكسيكي، وبيحاول يحافظ على قوامه الأساسي قبل البطوله العالميه دي.

كوليبالي مع الهلال حقق بطولات مهمه، زي دوري روشن موسم 2023–24، وكمان كاس خادم الحرمين الشريفين نفس الموسم، وفاز معاهم بكاس السوبر السعودي 2023.

مارسيليا شكله ناوي يفتح الدفتر، بس هل الهلال هيوافق يفرط في واحد من أعمدته؟ الأيام الجايه هتقول.