مارسيل كولر، المدير الفني لفريق الكوره في النادي الاهلي، قال إنه فرحان إنهم وصلو لنصف نهائي دوري ابطال افريقيا وهايلاعبو فريق صنداونز الجنوب أفريقي.

الماتش هيتلعب بكره السبت الساعه 3 العصر على ملعب لوفتوس فيرسفيلد، وده هيكون ماتش الذهاب في دور نص النهائي، والماتش التاني لسه قدام.

كولر اتكلم في المؤتمر الصحفي وقال إن الماتش مش سهل خالص، وصنداونز فريق جامد، وده طبيعي في المرحله دي من البطوله وكمان أضاف إن الاهلي دايمًا بينافس على البطولات الكبيره، واللاعيبه عندها خبره كبيره في اللعب جوه افريقيا.

كمان شدد إنهم بيشتغلو كلهم كفريق واحد، وبيتكلمو كتير جوه المعسكر عن اهمية المرحله دي، وإن كل التركيز دلوقتي على الماتش ده بس.

وختم كلامه وقال إن في حاله تركيز عاليه قوي بين اللاعيبه، وكلهم حاسين بالمسؤوليه وعايزين يفرحو الجماهير ويجيبو البطوله.

الاهلي كان صعد للنص النهائي بعد ما كسب الهلال السوداني مرتين، مره في القاهره ومره في موريتانيا.