الحساب الرسمي لبرنامج “صاحبة السعادة” اللي بتقدمه الفنانه إسعاد يونس، نعى الفنان الكوميدي الراحل سليمان عيد، اللي وفاته المنيه امبارح الجمعه، بعد سكته قلبيه مفاجأه.

الحساب نشر فيديو قديم من البرنامج، فيه سليمان مع كريم محمود عبد العزيز وهم بيعملوا تيك توك لايف، وكتبوا عليه: “هتوحشنا يا سليمان ياعيد”.

العلاقه بين سليمان وكريم كانت معروفه، وكان دايمًا في بينهم فيديوهات مضحكه على تيك توك، والجمهور كان بيحب يشوفهم سوا.

الفيديو اللي اتنشر رجّع الذكريات، وناس كتير علقت بحزن على وفاته.

سليمان توفى في بيتهم في الشيخ زايد، واتنقل للمستشفى لكن للأسف توفى في عربيه الإسعاف.

هو من مواليد 17 أكتوبر 1968 من حي إمبابه، واتخرج من معهد الفنون المسرحيه، وبدأ مشواره الفني بخطوات بسيطه، لحد ما انطلق بعد فيلم “الإرهاب والكباب” مع عادل إمام.

الجدير بالذكر إنه كان لسه ليه فيلمين بيتعرضوا، “سيكو سيكو” و”فار بسبع أرواح”.

وداعًا سليمان ضحكتك هتفضل معانا.