أعلن المدرب الإيطالي كارلو أنشيلوتي، المدير الفني لريال مدريد، عن قايمة الفريق اللي هتلعب ضد أتلتيك بيلباو بكرة الأحد، في الجولة 32 من الدوري الإسباني، على ملعب سانتياجو برنابيو.

الملكي داخل الماتش وهو جاي من خيبة أمل كبيرة، بعد ما خرج من ربع نهائي دوري أبطال أوروبا قدام أرسنال الإنجليزي، بخسارة 2-1 في البرنابيو يوم الأربع اللي فات.

وبيحاول يعوض جماهيره في الليجا، لكن الصدمة التانية هي غياب مبابي، اللي اتعرض لإصابة قوية في ماتش الأرسنال ومش هيكون موجود.

ريال مدريد كان خسر من بيلباو في الدور الأول 2-1 على ملعب سان ماميس، ودي فرصة للفريق إنه يرد اعتباره.

القايمة اللي أعلنها أنشيلوتي ضمت كورتوا، لونين، فران جونزاليس في حراسة المرمى، ومعاهم في الدفاع ألابا، فاسكيز، فاييخو، فران جارسيا، روديجر، وراؤول أسينسيو.

وفي نص الملعب موجود بيلينجهام، كامافينجا، فالفيردي، مودريتش، تشواميني، أردا جولر، وداني سيبايوس.

أما الهجوم فبيتكون من فينيسيوس، رودريجو، إندريك، وإبراهيم دياز.

ماتش مهم جدًا للريال، والجمهور مستني يشوف رد فعل الفريق بعد الخروج الأوروبي.