كريستيان روميرو، مدافع توتنهام الإنجليزي، لمح إنه ممكن يسيب النادي بعد نهاية الموسم الحالي، وده حسب تصريحات نقلتها شبكة TYC  الأرجنتينيه اللاعب قال فاضلي بس ألعب في الدوري الإسباني، ونفسي أجربه بصراحه، بحس إني مفتقد اللعب هناك

روميرو عنده 27 سنه، وكان انضم لتوتنهام سنة 2021 جاي من أتالانتا الإيطالي، وعقده مستمر لحد صيف 2027، بس واضح إن عنده طموحات تانيه وبيفكر في خطوه جديده.

اللاعب قال كمان دلوقتي مركزين في نصف نهائي الدوري الأوروبي، وعايزين نخلص الموسم بشكل كويس، وبعد كده نشوف إيه اللي هيحصل وأضاف إنه دايمًا بيدور على التطور والفرص الجديدة.

روميرو بيأكد إن تركيزه دلوقتي كله على تقديم افضل أداء في آخر شهرين من الموسم، لكن الصحافه بتتكلم إن أتلتيكو مدريد مهتم جدًا بالتعاقد معاه الصيف ده.

التقارير بتقول إن النادي المدريدي ممكن يسرع خطواته عشان يخلص الصفقه قبل كأس العالم للأنديه اللي هتبدأ في يونيو، خصوصًا إن روميرو هيكون إضافة كبيره لخط الدفاع.