قبل ساعات من الديربي المنتظر اللي هيجمع الهلال والشباب في الجولة 29 من دوري روشن، طلع الناقد الرياضي المعروف عدنان جستنيه برساله حذر فيها من تكرار الأخطاء التحكيميه اللي حصلت في مباراة الدور الأول بين الفريقين.

المباراة اللي هتنلعب النهارده الاتنين الساعة سبعة إلا خمسة مساء، على ملعب المملكة أرينا، بتحمل أهمية كبيرة، خصوصًا للهلال اللي داخل اللقاء وفي رصيده 61 نقطة وراه الاتحاد المتصدر بـ 65 نقطة، أما الشباب فهو بالمركز السادس بـ 50 نقطة، وبيسعى لتحسين مركزه.

جستنيه كتب على حسابه في منصة “إكس” وقال: “‏أرجو في مباراة ديربي الهلال والشباب مشاهدة مباراة ممتعة فنياً حافلة بالأهداف النظيفة، وأن لا تتكرر أخطاء التحكيم التي حدثت في الدور الأول”.

وكانت مباراة الدور الأول خلّفت جدل واسع بسبب قرارات الحكم، منها طرد لاعبين من الفريقين، وكمان إلغاء هدف للشباب بتقنية الفار بداعي التسلل.

الهلال فاز وقتها بهدفين لهدف، والكل النهارده مستني مباراة قوية خالية من الأخطاء، واللي ممكن تأثر على شكل المنافسة على اللقب.