في تصريح مهم، اكدت سفيرة المملكة العربية السعودية لدى الاتحاد الأوروبي، هيفاء الجديع، أنه لسه مفيش تطورات جديدة بخصوص إعفاء السعوديين من تأشيرة شنغن وقالت إن الموضوع بيتم مناقشته بقاله أكتر من سنتين، لكن مفيش تقدم رسمي لحد دلوقتي.

الملف ده، اللي كان شغال ببطء من 2022، مش بس موضوع تسهيل حركة الناس، لكنه كمان بيبرز حجم الشراكة الاقتصادية والاستراتيجية بين السعودية والاتحاد الأوروبي رغم التأخير، الإعفاء ده ممكن يعود بمكاسب كبيرة للطرفين، خصوصًا في ظل العلاقات المتنامية بين الطرفين وتحول المملكة لثقل إقليمي بيبحث عن تعزيز وجوده عالميًا.

الاقتصاد الأوروبي بيستفيد من السياح السعوديين اللي بيصرفوا في أوروبا مبالغ ضخمة، خصوصًا في مجالات الضيافة والخدمات التعليمية والطبية لو تم إعفاء السعوديين من التأشيرة، ده هيزيد عدد الزوار وبالتالي المكاسب الاقتصادية.

كمان، السعودية من أكبر المستثمرين في أوروبا، ولها حضور قوي في قطاعات زي الطاقة المتجددة والعقارات لو تم تسهيل الإجراءات، ده هيشجع رجال الأعمال على زيارات أكتر، ويسرع من عملية التعاون بين القطاعين العام والخاص.