في مفاجأه مالهاش تفسير، انتشر بوستر لمسلسل اسمه “كارثه طبيعيه” واللي المفروض بيقوم ببطولته الفنان محمد سلام، وده حصل من غير أي إعلان رسمي من الشركه المنتجه، وده خلّى ناس كتير على السوشيال ميديا تتكلم وتطرح تساؤلات كتيره حوالين المسلسل.

البوستر اللي اتنشر كان شكله غامض جدًا، من غير أسماء للممثلين ولا حتى لوجو المنصه اللي هيعرض عليه، فناس قالت إنه احتمال يكون شغل فانز، وناس تانيه شايفه إنه جزء من حمله ترويجيه غامضه.

العمل ده مهم لمحمد سلام لأنه أول بطوله مطلقه ليه، بعد ما لمع في أدوار كتير قبل كده، والمسلسل من تأليف أحمد عاطف فياض اللي كتب “بالطو” قبل كده، وإخراج حسام حامد، ومشاركاه البطوله جهاد حسام الدين.

مصادر مقربه قالت إن المسلسل هيتعرض بعد رمضان 2025، ضمن خطه إنتاج جديده، لكن لحد دلوقتي مفيش أي تأكيد رسمي من الشركه المنتجه.

الجمهور مستني رد رسمي يفك الغموض ده، خصوصًا إن اسم محمد سلام بقى ليه جمهور كبير بيستناه في أي عمل جديد.