الليلة كل الأنظار متوجهة لبرشلونة، لما يستضيف فريق إنتر ميلان الإيطالي على ملعب مونتجويك الأولمبي، في ذهاب نصف نهائي دوري أبطال أوروبا والماتش ده مش بس مهم علشان بطاقة التأهل للنهائي، لكن كمان فيه حسابات تاريخية بتخلي المواجهة نار من أول دقيقة.

برشلونة داخل اللقاء وهو عنده تفوق واضح على إنتر في آخر 6 مواجهات جمعتهم. الكتلان كسبوا 3 مباريات، وتعادلوا مرتين، وخسروا مرة واحدة بس وده بيعطي دفعة معنوية كبيرة للبلوجرانا قبل بداية المعركة الليلة.

الفريق الإسباني بيعيش حالة كويسة في دوري الأبطال السنة دي، وقدر يتخطى أدوار صعبة ووصل للنص نهائي بثقة، خصوصًا مع وجود مجموعة لعيبة شباب زي لامين جمال ويا مالهم من تأثير قوي، ومعاهم عناصر خبرة زي ليفاندوفسكي وتير شتيجن.

من الناحية التانية، إنتر مش فريق سهل خالص، وبيمتاز بقوة دفاعه وتنظيمه التكتيكي، وده هيخلي الماتش تحدي كبير لخط هجوم برشلونة اللي عوّدنا على الأداء القوي والضغط العالي.

الملعب هيولّع النهاردة، والجمهور الكتالوني مستني من فريقه نتيجة مريحة قبل السفر لإيطاليا، علشان يسهل المهمة في الإياب والسؤال اللي بيفرض نفسه: هل برشلونة هيواصل التفوق؟ ولا إنتر عنده كلام تاني؟

كل ده هنعرفه بعد صافرة النهاية، بس الأكيد إننا على موعد مع قمة أوروبية من العيار التقيل!