فاجئ المخرج عمرو سلامه جمهوره بالإعلان عن أحدث مشاريعه السينمائيه، فيلم جديد اسمه “الشاطر عمرو”، واللي هيكون من تأليفه وإخراجه بنفسه، بعد ما حقق نجاح كبير الفترة اللي فاتت وخصوصاً بمسلسل “برستيج”.

ونشر سلامه على حساباته صورة لغلاف السيناريو وكتب: “الشاطر عمرو اللمسات الأخيرة؟”، وده أثار فضول كتير من متابعينه اللي استنوا يعرفوا أكتر عن تفاصيل الفيلم.

يُذكر إن مسلسل “برستيج” اللي أخرجه عمرو بيتعرض حاليًا وبيحكي عن 14 شخص من طبقات مختلفة بيتجمعوا في قهوة في وسط البلد بعد ما القاهرة تتعرض لعاصفة قوية، وفجأه يلاقوا إن في جريمة قتل حصلت، وكل واحد فيهم بيبقى متهم ومحقق في نفس الوقت، والمسلسل دمج بين الكوميديا والغموض.

ومن ناحية تانية، عمرو سلامه رد على اتهامات سرقة فكرة المسلسل وقال في برنامج “تفاعلكم”: “بقي طبيعي أي عمل مصري ينزل يتقال إنه مسروق، فأتمنى الناس تحكم بعد ما يتفرجوا”.

كمان تراجع عن تصريحه اللي وصف فيه إسماعيل ياسين بأسوأ ممثل وقال إنه بيحب أعماله زمان وكان يقصد رأي فني مش أكتر.