بيستعد المنتخب السعودي تحت 17 سنه لمواجهه مصيريه وقويه ضد أوزباكستان، في نهائي بطولة كأس آسيا 2025، واللي هيتلعب بكره الأحد 20 إبريل، على ملعب مدينة الملك فهد الرياضية في الطايف.

ماتش السعوديه وأوزباكستان هيبدأ الساعه 6 مساءً بتوقيت مكه، والساعة 5 بتوقيت القاهره، واللي متوقع يبقى ماتش نار، خصوصًا بعد الأداء القوي اللي قدمه الأخضر طول البطوله.

الاتحاد فتح بوابات الملعب ببلاش للجمهور، عشان يحضر ويساند اللعيبه في الموقعة النهائية، وده بعد التأهل الكبير على حساب كوريا الجنوبيه بركلات الترجيح، في ماتش كان كله إثاره.

من الناحية التانيه، أوزباكستان وصلت للنهائي بعد فوزهم على كوريا الشماليه 3-0 في نصف النهائي، وده بيأكد إن المواجهة مش هتكون سهله خالص.

الأمل كبير في شباب الأخضر إنهم يرفعوا الكاس لأول مره، والكل مستني اللحظه دي من زمان، وإن شاء الله الفرحه تكون سعوديه في النهاية.