الأهلي خلص مهمته الأولى في نصف نهائي دوري أبطال أفريقيا بتعادل سلبي قدام فريق صنداونز الجنوب أفريقي، في ملعبهم، وده خلى مباراة الإياب اللي هتتلعب في القاهرة يوم الجمعة الجاي، هي اللي هتحسم كل حاجه بخصوص مين هيتأهل للنهائي.

الفرقه رجعت القاهره بعد رحله مرهقه استغرقت حوالي 14 ساعه، وبدأ الاستعداد فورًا لموقعة الحسم.

الأهلي كان ليه تجارب قبل كده مع التعادل السلبي في ذهاب نصف النهائي، وحصل إن الفريق اتأهل 5 مرات قبل كده بعد نفس النتيجه، وفاز بالبطولة 3 مرات منهم، وخسر النهائي مرتين.

من أبرزهم سنة 2001 ضد الترجي لما اتعادل سلبياً في القاهرة وبعدين تعادل 1-1 في تونس بهدف سيد عبد الحفيظ، ووقتها الأهلي كمل وفاز بالبطوله قدام صنداونز.

وفي 2024 الأهلي كان اتعادل مع مازيمبي 0-0 برضو في الذهاب، وكسبهم 3-0 في الإياب، وحقق اللقب الـ12 بتاريخه.

دلوقتي الحلم هو اللقب رقم 13، والجماهير مستنية الجمعة علشان تشوف إذا كان التاريخ هيعيد نفسه، ولا لأ.