في تطورات جديده، اتحاد الكوره المصري بيفكر يعدل شكل بطولة الدوري الممتاز بداية من موسم 2025-2026، وده حسب تصريحات مصدر من جوا الاتحاد الفكره إنهم يزودوا عدد الفرق لـ20 بدل 18.

اللجنه المنظمه عرضت 4 سيناريوهات للصعود والهبوط أول واحد إن فريق واحد بس يهبط من الممتاز ويصعد 3 من القسم التاني السيناريو التاني إن فريقين يهبطوا و4 يطلعوا كمان في اقتراح تالت إن الفريق رقم 17 يلعب ماتش فاصل مع رابع الترتيب فـ القسم التاني اما آخر سيناريو، فيقترح دوره ثلاثيه بين الهابطين ورابع القسم التاني والفايز يطلع للممتاز.

كمان، في اتجاه لتعديل نظام الدوري مؤقتًا، بحيث يتقسم بعد الدور الأول لمجموعتين مجموعه تنافس عاللقب فيها اول 6 فرق، والتانيه فيها باقي الـ14 للتنافس على البقاء وفي الآخر، 5 يهبطوا و3 يصعدوا، والدوري يرجع تاني لـ18 فريق الموسم اللي بعده.

بيراميدز دلوقتي في الصداره بـ44 نقطه، وراه الأهلي بـ40، والزمالك في المركز التالت بـ38 نقطه شكل الدوري الجاي باين عليه هيكون مولّع