كان دايمًا يتفاخر بحبه للريال ويشكي همومه عشان الفريق ويقول “أنا هنا من أجل الريال” و”قلبي مع الريال”، وكلنا كنا متأثرين بكلامه ولكن فجأة، مع أول اختبار أخلاقي، سقط في أسوأ صورة قدام الملايين. مش كلامي ده، ده اللى بيقوله جمهور ريال مدريد نفسه، جمهور بدأ يشوف الحقيقة.

الجماهير بدأت تبين غضبها تجاه أنشيلوتي، وبدأوا يوجهوا الشتائم ليه بشكل كبير، بعد ما لاحظوا إن الفريق بيعاني، مش بس فنياً، كمان نفسياً والجمهور عارفين إن المشكلة مش في اللاعبين، المشكلة في المدرب الإيطالي اللى فشل في إدارة الفريق وفي تحفيز اللاعبين على أعلى مستوى.

أي نعم أنشيلوتي جاب بطولات، وحقق أبطال أوروبا، وصنع لحظات كبيرة مع الفريق، لكن هل ده يكفي؟! هل كان هيعتبر إنجاز لو كان مدرب فريق في الدرجة المتوسطة زي بولونيا مثلاً؟ أكيد لا! الأسماء اللى كانت معاه كانت قادرة على عمل المستحيل، لكن لما بدأ الفريق يهوي في المستوى وبدأت اللياقة تنزل، انكشف عجز أنشيلوتي فنيًا وفكريًا.

أما زيدان، اللى رحل مرتين، كل مرة كان بيسيب فلوسه ويكمل الطريق بحب، لكن أنشيلوتي في الآخر قرر يروح للبرازيل عشان يحقق فلوس زيادة! وده مش طبيعي.

الجماهير مش قادره تفهم إن أنشيلوتي يحاول يثبت إنه فشل مع الريال ويطلب أموال زيادة من البرازيل!